♕ باترجاكي ♕ بقلم الشاعر : سيد الحلواني
باترجاكي
باترجاكي كفايه عناد
باترجاكي كفايه بعاد
حسي بغيرة قلبي عليكي
ياللي الدنيا بقت في عنيكي
شايفه نهارها كله سواد
ياما سامحتك ٠٠ ياما صالحتك
رغم شعورى بظلمك ليه
بانسي قساوتك ٠٠ لأجل غلاوتك
ولإحساسي بإنك جايه
تمشي معايا دروب وبلاد
نفسي أصارحك وتصارحيني
نفسي أضمك وتضميني
وانسي في حضنك حتي الزاد
عمرى ماشفت القسوة دي منك
إتغيرتي عشان إكمنك
كنتي في حبك نار ورماد
باترجاكي كفايه عناد
باترجاكي كفايه بعاد
سيد الحلواني
تعليقات
إرسال تعليق