♕ آل في غرام ؟.. مش كان حرام ؟ ♕ بقلم الشاعر : هشام علي
آل في غرام ؟.. مش كان حرام ؟
لما تبص لها وهي ماشية ع الطريق
ما إنتاش أخوها ولا قريب
ولا حتى تبقلها حبيب
طب قول لي فين يبقى النصيب ؟!
..... إنسان عجيب !!!
خدعوك كتير خلوك تغير
على أي حاجة ... إنسان ضرير
خلّوك غفير بعدين سفير
آخر المتمة بقيت حقير
واهو كله شغل مع الكبير
واهي بس دوشة وسط الزحام
ناس عاملة داوشة وبلا إحترام
إللي يغني والناس نيام
وأهو كله ضرب تحت الحزام
هيمان يا روحي كله هيام
وساعة المُسائلة يطير الحمام
كله تمام ... آخر تمام
حكايات مغامرة بلا إهتمام
قلة أدب وبلا إحترام
أهو وقت هيصة والسلام
كله يزيط وخِلِص الكلام
وآخر المتمة يا عيني حرام
ظلم البنية بهجر و الخصام
الحكمة دي قالوها الكبار
بنتك دي عاملة كما حبة خضار
إبعدها عن أهل الهزار
خلوها تحلم بالحلال
وتسيب خيالها والمحال
دي الدنيا مش حاملة المرار
يا وردة مين اللي دبلِّك
ومين إللي هدِّك بهدلِّك
خلاكي ما تسويش ريال
وإن رضيوا حتى المشترين
ح يبهدلوكي ويحطوا طين
خليكي كدة رمز الجمال
وتعيشوا عيشة ولا الخيال
ولا عايزة خبرة ولا رأس مال
علشان م تطلع العيال
عارفين كدة رايحين لفين
يدعوا لكوا ويبقوا محبوبين
طب جرّبوا الصح ولو مرة كفاية
رح تعرفوا الفرق وإيه أصل الرواية
م تعيشوا أبداً عمركم وفي المتاهة
وحكايتكوا تبقى الناس كلها عارفاها
خليّكوا ضِل م النوايب والسنين
وصدّقوني وإفرحوا وقولوا آمين
.......... .......... .......... ..........
المهندسين في ٢٦ / ٢ / ٢٠٢٥م
" خلّيكوا ضِل "
شــــــعـر : هشــــام عـــلي
.......... .......... .......... ..........
تعليقات
إرسال تعليق