♕ حب عمرى ♕ بقلم الشاعر : أحمد إسماعيل

 حب عمرى

ايوه انتى حب عمرى

وانتى شمسى وانتى قمرى

وانتى كل الدنيا ليا

ده انتى روحى ونور عينيا

عينى ماشافت مثالك

من حلاوتك من جمالك

من شقاوتك من دلالك

كل شئ فيكى خيالى

وانتى احلامى وامالى

طيفك انتى شاغل لى بالى

لما اشوفك قلبى يفرح

والزهور حوالينا تطرح

نبض قلبى بينادى لك

نفسى اشرب سلسبيلك

ده نصيبى انتى وقدرى

وانتى نور عينى ونظرى

قلبى قالها بصوت يلالى

انك انتى حب عمرى

شعر احمد اسماعيل / شاعر العرب