♕ خواطر ♕ بقلم الشاعر : عادل صابر
خواطر/
بيعجبني يا حبيبي كلامك
..........وأديني أهوه بقول أدامك
أحلى كلام يا حبيبي كلامك
..........بحبه في همسك و لمزك
بحسه لما عينيك تنادي عاوزك
..........بعشق صوتك لما يوم تقولي بحبك
لما بتيجي و تفتحلي قلبك
..........لما بتزعل و عاوزني أعتبك
بحب يا حبيبي كلامك
..........لما تحكي عن أحلامي و أحلامك
لما بتمسح عني حزني و أحزانك
..........جميل يا حبيبي كلامك
بينسيني حتى خصامك
..........بيعذبني يا حبيبي كلامك
و بيعيشني بس عشانك
..........بقولها لقلبي مش علشانك
أحلى ما فيك يا حبيبي كلامك
................بقلم عادل صابر
اشكر القائمين على هذه الصفحة و أدعو الله أن يوفق الجميع لما يحبه ويرضاه و يكونوا عون وسند لكل الادباء و الشعراء والله الموفق
ردحذف