♕ ماتسافريش ♕ بقلم الشاعر : فوزي جلاب
( ماتسافريش )
********
ماتسافريش وكتير اقولك ماتسبينيش
انا في بعدك بحاول اعيش
انا غيرك يا عمري ماليش
وغير حبك في قلبي مفيش
ما تسيبنيش.. ما تسافريش
**********
بتمشي وتسيبيني وحيد
وف القلب الجراح بتزيد
ولما بتيجي اقول جه العيد
واقول من قلبي مابخبيش
ما تسيبنيش.. ماتسافريش
**********
ما تسافريش وكفاية فراق
تعبتي قلبي بالاشواق
ويوم ما قلت لك همشي
جيتي لي وقولتي ماتسبنيش
ماتسبنيش.. ما تسافريش
***********
يا قمري انا عايش بيكي
وبشوف الدنيا بعنيكي
ولو غبتي اشوف ازاي
دا نور الدنيا مايكفيش
ما تسيبنيش.. ما تسافريش
انا في بعدك بحاول اعيش
ما تسيبنيش..ما تسافريش
انا في بعدك بحاول اعيش
*************
(فوزي جلاب) كتبت هذه الأغنية في شهر أغسطس ٢٠٠٧و هي ضمن اغاني ديواني الأول تمثال الحرية الصادر في نوفمبر سنة ٢٠٠٧
*********
تعليقات
إرسال تعليق