♕ رسالة عتاب ♕ بقلم الشاعرة : حنان الجوجري
(رسالة عتاب)
في بداية رسالتي ليكي
أنا ليا عتاب كبير عليكي
أنا قصرت معاكي في إيه
ليه ما صبرتيش عليا ليه
كنتي أقفي جنبي وسانديني
وبكلمة حلوة وشجعيني
كنتي كملتي المشوار معايا
وخففتي الألم إلي جوايا
ليه سيبتيني أقف محتار
أبكي فراقك ليل ونهار
وفاكر إني مش هقدر أعيش
بس إطمني وما تقلقيش
إنتي مشيتي من هنا
والحظ إبتسملي من هنا
قابلت الإنسانة إلي تتحمل
قالتلي مهما يكون معاك هكمل
دى الدنيا كل يوم في حال
ومسيرها تتعدل وتتحسن الأحوال
وفعلا الدنيا زهزهت من تاني
وإتحققت الأحلام والأماني
والوقتي أنا عايش سعيد
وكل يوم ف حياتي عيد
لو كنتي صبرتي عليا شوية
كنتي هتعيشي عيشة هنية
وياريتك بعد ما مشيتي سألتي
وعلى كل وفي نهاية رسالتي
أتمنى الدرس يكون فادك
وأتمنى يكون مرتاح فؤادك
المخلص -------------------------->للأبد
إلي فؤاده من جديد نبض بعد ما إتهبد
خواطر / حنان الجوجري
دمياط الجديدة
تعليقات
إرسال تعليق